วันที่ อังคาร กุมภาพันธ์ 2553

พิมพ์หน้านี้  |  ดูบล๊อกอื่นๆ ที่ OKnation

 

ซุมอยากได้เงินเขา (ภาษาลาว/ไทย)


อยากได้๑

                    ซุมอยากได้เงินเขา

จังว่า         ฮักเจ้าหลายนายใหญ่...                แท้หวา?

ว่าแต่        โอนเงินคำส่งมา                         ไวฟ้าว

                วาเลนไทน์กุมภา                        ใช้ด่วน

                เงินหนาพาย่างก้าว                     เงินน้อย  ค่อยเซา

ก้ำฝ่าย       ลูกน้องเฒ่าคอใหญ่                    คึนลึน

                ฟ้าวหลายอยากถอนทึน               คืนบ้าน

ฟังยิน        อุ่มอุ่มเสียงโชว์กึ๋น                      คักแน่

                ตั้งที่แท้หัวล้าน                          ขี้ฮ้าย   ตื่นหวี

อยากได้๒

อีกซุม       ดำขี้ซีฮาร์ดคอร์                          สู่หลู่

จังแม่น      เขาใช้มาด่าครู                           แก่งแก้

                สามสหายควายตู้                       บู๋ชน  ไปทั่ว

                มันหากินส่ำแบ้                          พอได้   แบ่งกัน

ยามนั้น      ขุนหาญบ้าทะลวงฟัน                   กล้าชั่ว

                มันเป็นโหรทายชัวร์                     การฮ้าย

                เป็นคนดังทางมั่ว                        น่าอาย  พลเผ่า

                แหกกองเหล่าเผาค่าย                  ขายเชื้อ  เน่าสกุล

อยากได้๓

มันก็          มีขุนโหดออกหน้า                       ขานเห่า

                เป็นขุนเคยฆ่าเผา                        พาลบ้า

                ปากบ่อยู่สมเฒ่า                         ใกล้ฝั่ง

คอบว่า       หวังตั่งแก้วเงินค้า                       ซ้ำเฒ่า   เพิ่นแหล่ว

ชาติว่า       แนวดอมนายหวังได้                    เงินเขา

                ด่อมหางดมดากเอา                    ดังซ้น

                อูดอูดเหม็นตี๋เว้า                        ว่าหอม

                ประสาเขายอก้น                         ตดล่อ  อ่อยหมา

ซุมอยากได้เงินเขา ๔

ยินเสียง     เฟ่งเฟ่งจาคำต่ำ                           เนรคุณ

                บ่ฮู้จักบาปบุญ                            คุณไท้

                ขายชาติเป็นทาสหุ่น                    ทรพาล

                เป็นข้อยข้าม้าใช้                         เผตเป้า  เหล่าผี ฯลฯ

                                        บุญมา  ภูเม็ง

โดย คนดึกใน

 

กลับไปที่ www.oknation.net