วันที่ อังคาร มิถุนายน 2554

พิมพ์หน้านี้  |  ดูบล๊อกอื่นๆ ที่ OKnation

 

อีสานบ้านเฮา


คึดฮอดเฮือนซานบ้านซ่อง

ปากท้องเป็นอยู่จั่งได๋

เซ้า แลง มีกินแล้วไป่

ผู้ได๋ออนซอนฮ้อนหนาว

ฝนมาฟ้าหลากลงท่ง

น้ำโฮ่งไฮ่นาปลาขาว

ปลาเดิด ปลาซิว ปลาอ้าว

ผู้สาวซ้อนฮวกบวกควย

ฟ้าแล้งแยงตาหน้าแห้ง

แตกเฮิบดินแข็ง เซ้า สวย

เสียมน้อยงัดก้อนขี้ควย

คาวซวยกุดจี่หนีมุด

ผ่านแล้งแจ้งมาหน้าฝน

สู้ทนก้มหน้าไถฮุด

ไถดะ ไถแปร จอบขุด

เร่งรุดตกกล้าหน้าน้ำ

ฝากฝันถึงฝั่ง ข้าวเขียว

บ่เหี่ยวแห้งคือคำถาม

ข้าวกล้าเติบใหญ่งดงาม

เต็มตามฤดูสู่กาล

สองมือไหว้พญาแถน

ทดแทนบุญคุณไถหว่าน

ผู้เฒ่าซื่นหน้าตาบาน

เมื่อลานข้าวเหลืองเฟืองกอง

ไหว้พระ ไหว้ฟ้า ไหว้ผี

บัดพลีไปตามฮีตคอง

ขอเพียงแต่ฝนฟ้าต้อง

ห้วยหนองคงชื่นฉ่ำใจ

อีสานบ้านนาของเฮา

ม่วนซื่นคือเก่าพ่อใหญ่

เบิกบานสดซื่นแจ่มใส

หัวใจสู้ทนคนอีสาน

๐๐๐

อักษรานันต์

ขยายความภาษาอีสาน

เซ้า แลง    หมายถึง  เช้า - ค่ำ                  ,         เซ้า สวย   หมายถึง     เช้า - สาย

จั่งได๋         หมายถึง   ยังไง                                   ,       แล้วไป่     หมายถึง     หรือยัง

ท่ง         หมายถึง  ทุ่ง ( ทุ่งนา )                         ,      น้ำโฮ่ง     หมายถึง    น้ำขัง

ฮวก    หมายถึง  ลูกอ๊อด ( ลูกกบ )             ,    บวกควย   หมายถึง   ปลักควาย

ขี้ควย   หมายถึง  ขี้ควาย                                    ,     เฟือง          หมายถึง    ฟาง

และขอขอบคุณภาพจากอินเทอร์เน็ตครับ

โดย อักษรานันต์

 

กลับไปที่ www.oknation.net