วันที่ อาทิตย์ มีนาคม 2557

พิมพ์หน้านี้  |  ดูบล๊อกอื่นๆ ที่ OKnation

 

ฮักเจ้าของแหน่เด้อ -ลำนำอีสานสัญจร-


ฮักเจ้าของแหน่เด้อ 

แพรห่อฝัน

----------------


..น้องสาวเอย.. 

แนวว่าใจเป็นของน้องสิจองไผ๋กะได่อยู่

แล้วแต่ยอดพะทู อยากให้ไผ๋กะได่ บ่อยากให้กะบ่ผิด!


อ้ายบ่มีสิทธิ์ห้าม อ้ายบ่มีสิทธิถาม หากเจ้าเลือกเขาแล้วอุ่น

ย้อนเป็นผู่มาลุน ฮักบ่มีสิทธ์ลุ้น ได่แค่เหงา 


ละยามที่เขาปาทิ่ม อ้ายกะคอยมาสติม ยาใจเจ่าให้เซาฮั่ว

ละจักสิไห่สิหัว บัดเขาดีกันแล้ว เห็นอ้ายเป็นแค่หยัง

...เฮ็ดนำดีมากี่ครั้ง น้องกะยังลืมเขาบ่ได่อยู่

อ้ายกะพอสิฮู้ ว่าบ่อาจดอกเปลี่ยนใจ

ถึงเบิดหวังได้นั่งใกล้ ถึงเบิดสิทธิ์ได่หัวใจ โอย บุญอ้ายบ่เถิงอ่อน

อ้ายกะห่วงอาทร ยามเห็นเขาเฮ็ดให้ น้ำตาเจ้าแม่นหลั่งไหล

ละบ่จักเหงา บ่จักไห่ เสียงเจ้าส่งมาตามสาย ว่าเขานั้นเฮ็ดใจหม่น

คิดนำเขาข้ามบ่พ้น สิตัดทิ่มกะแฮงเหงา

ละเป็นซึมๆเศร้าๆ ข้าวบ่กิน นอนฮอตบ่ได่อิ่ม

ซูมผอมผายในถวิล น้ำตารินอาบหน้า เป็นคือบ้าซวงบ่เป็น

อ้ายกะหลูโตนเจ่า แต่ว่าอ้ายบ่คือเขา สิปลอบเจ่าให้เซาหม่น

อ้ายกะเป็นแค่คน “คนหวังดีท่อนั้น” สูงเกินหั่นเป็นบ่ไหว

บอกน้องเพียงแค่ได่ ให้ทำใจอย่าฝันเพ้อ

ฮักเจ้าของแหน่เด้อ คิดนำเขาปวดร้าว เทียวว่ายแอ่งน้ำตา

น้องสาวเอ่ย..


“..เหลือแค่เพียงตัวเจ้าเท่านั้นล่ะ 

ที่จะมาเห็นใจในยามหมอง

จากวันนี้เป็นต้นไปน้องต้องลอง 

ปลอบเจ้าของให้หายเศร้าอย่าหวังใคร...”

เป็นพี่ชายในหน้าที่ เป็นคนดีได้ห่างๆ

อ้ายขอลาไปตามทาง บ่อาจอยู่เป็นความหวังให้เจ่า

เป็นของเล่น อีกต่อไป โทษเด้อนาง...ที่ใจฮ้าย..

 

--------------------------

โดย ดินสอดำบ่าวภูสวาง

 

กลับไปที่ www.oknation.net