วันที่ อาทิตย์ มีนาคม 2557

พิมพ์หน้านี้  |  ดูบล๊อกอื่นๆ ที่ OKnation

 

อี ศ า น บุ ก !.


อี ศ า น บุก!. (ลำกลอน)

 

..ยังมีเมืองใหญ่กว้างเรียกชื่ออีสาน
มีพระยาพิณแคนล่ะนั่งครองเป็นเจ้า
มีมเหศรีเหง้าท้าวงามชื่อลำกลอน
งามเป็นตาออนชอนฟ้อนลำแฮงงามล้ำ

มีมูล ชี โขงน้ำ เป็นสายลำอ้อมโอบอยู่
มีพลเมืองนักสู้ เฮ็ดนาเค้าปลูกค่าวปอ
มีพระธรรมเที่ยงจ้อก้อบนทางก่อพอทางดี
ฮีตสิบสองคองสิบสี่
ฮอยคำสอนก่อนกี้ ปกครองบ้านให้ฮุ่งใส

เลยมาไกลหลายปีชาติ
ยังแจ้งชัดในความฝัน
นี้คือถิ่นอีศาน นี่คือถิ่นกันดาร หนาตำนานจดจารไว่

สาวเรื่องเก่าคราวลำบาก ถืกเขาผลักลักตีไล่
ต้อนเอาไปลงไท ไปเป็นทาสรับใช้ ให้เจ๊กนั้นมันข่มเหง


บ่อยากสาวความเว้า
บ่อยากเล่าดอกความหลัง
เห็นบ้านเมืองเฮายัง เห็นบ้านเมืองเฮายัง
พัฒนาบ่ไกลล้ำ

จักเป็นกรรมหรือเป็นแกล้ง !
ยามเจ่าอ่านคำแถลง บ่มีฮอตเหลียวตาใส่
แผนพัฒนาฯ เม็ดบักใหญ่ บ่มีแล้วแควอีสาน

ยังกันดาร คือก่อนเค้า ยังเศร้าเหงาอยู่วอนว่อน...

ล่ะไผ่สิห่วงอาทร ล่ะไผสิมาสะออน ล่ะไผสิมาก่อร่าง
..สร้างอีศาน..ให้ฮุ่งเฮือง... ล่ะนอท่าน.

บ่าวภูสวาง

ลำนำอีสานสัญจร
11032557

ขอบคุณภาพเน็ต

โดย ดินสอดำบ่าวภูสวาง

 

กลับไปที่ www.oknation.net